سكربت قالب متاجر للتسوق الالكتروني تصميم موقع سوق متجر الكتروني
عروض تصميم مواقع الإنترنت للمواقع الكاملة تشمل حجز الدومين و مساحة الاستضافة تحويل استايل موقعك إلى استايل ريسبونسيف متوافق مع الجوال والاجهزة اللوحية الذكية تحويل استايل المنتدى إلى استايل ريسبونسيف متوافق مع الجوال مثل ترايدنت
الصورة الرمزية electronydesign
electronydesign
:: المدير العام ::
تاريخ التسجيل: Jul 2016
رقم العضوية : 2
المشاركات: 38,536
قديم 12-29-2018, 07:52 PM
المشاركة 1
  • قوة السمعة : 10
  • الإعجاب:
    Thumbs up على اسم مصر صلاح جاهين
    على اسم مصر صلاح جاهين


    صلاح جاهين 6.gif
    على اسم مصر

    صلاح جاهين z88z_pic_1327502028_291.gif
    على اسم مصر التاريخ يقدر يقول ما شاء

    أنا مصر عندي أحب وأجمل الأشياء
    باحبها وهي مالكه الأرض شرق وغرب
    وباحبها وهي مرميه جريحة حرب
    باحبها بعنف وبرقة وعلى استحياء
    واكرهها وألعن أبوها بعشق زي الداء
    واسيبها واطفش في درب وتبقى هي ف درب
    وتلتفت تلقيني جنبها في الكرب
    والنبض ينفض عروقي بألف نغمة وضرب
    على اسم مصر
    صلاح جاهين z88z_pic_1327502028_291.gif
    مصر النسيم في الليالي وبياعين الفل
    ومرايه بهتانة ع القهوة .. أزورها .. واطل
    القى النديم طل من مطرح منا طليت
    والقاها برواز معلق عندنا في البيت
    فيه القمر مصطفى كامل حبيب الكل
    المصري باشا بشواربه اللي ما عرفوا الذل
    ومصر فوق في الفراندة واسمها جولييت
    ولما جيت بعد روميو بربع قرن بكيت
    ومسحت دموعي في كمي ومن ساعتها وعيت
    على اسم مصر
    صلاح جاهين z88z_pic_1327502028_291.gif
    مصر السما الفزدقي وعصافير معدية
    والقلة مملية ع الشباك .. مندية
    والجد قاعد مربع يقرا في الجرنال
    الكاتب المصري ذاته مندمج في مقال
    ومصر قدامه اكتر كلمة مقرية
    قريتها من قبل ما اكتب اسمي بإيديا
    ورسمتها في الخيال على أبدع الأشكال
    ونزلت أيام صبايا طفت كل مجال
    زي المنادي وفؤادي يرتجف بجلال
    على اسم مصر
    صلاح جاهين z88z_pic_1327502028_291.gif
    شفت الجبرتي بحرافيش الحسين وبولاق
    بإبن البلد ماشي زي النمس في الأسواق
    بالفلاحين ع المداخل من بعيد وقريب
    بالأرنؤوط بالشراكسة بكل صنف عجيب
    مترصصين سور رهيب مزراق
    في ريح مزراق
    كأنهم لا بشـر ولا خلقـة الخـلاق
    ومصر فلاحة تزرق بين رقيب ورقيب
    من غير أبو الهول ما ينهض ناهضة شايله حليب
    والصبح بدري الجبرتي ينام وقلمه يسيب
    على اسم مصر
    صلاح جاهين z88z_pic_1327502028_291.gif
    والمس حجارة الطوابي وادق بكعابي
    يرجع لي صوت الصدى يفكرني بعذابي
    يا ميت ندامة على أمة بلا جماهير
    ثورتها يعملها جيشها ومالها غيره نصير
    والشعب يرقص كأنه عجوز متصابي
    إنهض من القبر احكي القصة يا عرابي
    يطل لي رافع الطهطاوي م التصاوير
    شاحب ومجروح في قلبه وجرح قلبه خطير
    وعيونه مغرورقين بيصبوا دمع غزير
    صلاح جاهين z88z_pic_1327502028_291.gif
    على اسم مصر
    مالك سلامتك بتبكي ليه يا طهطاوي
    قال لك عرابي .. انكسر بسلاح أوروباوي
    وسلاح أوروبا ماهواش المدافع بس
    ده فكر ناقد مميز للثمين والغث
    قلناها ميت ألف مرة ألف مرة بصوت جهيرداوي
    بس الحماقة لاليها طبيب ولا مداوي
    ولا حد م الخلق بالخطر اللي داخل حس
    الغفلانين اللي خلوا العقل صابه مس
    قالوا الخطر هو فكر أوروبا لو يندس
    صلاح جاهين z88z_pic_1327502028_291.gif
    على اسم مصر
    أحسنت في القول صحيح يا ولد يا متنبي
    جبت اللي جوه الفؤاد عن مصر متعبى
    وحكمت بالعدل لكن بعضنا انظلموا
    " يا أمة ضحكت من جهلها الأمم "
    العلم كان عندنا من صغره متربي
    لكنه هاجر وعدى البحر متخبي
    لما الإيران هجموا ثم اليونان هجموا
    ثم الرومان دمروا ثم التتار هدموا
    ثم الجميع كل واحد جه مسح قدمه
    صلاح جاهين z88z_pic_1327502028_291.gif
    على اسم مصر
    والديك الفصيح م البيضه بيصيح
    ويقول بالصريح
    الفكر فوق في الشمال
    يا الله الحقوه يا ولاد
    لحقوه ولاد من ولاد الأغنيا الأسياد
    وهم راجعين رموه في الباخرة
    في البحرونزلوا حكموا في ظل الانجليز والقصر
    ومصر في الشمس بتغربل كلام منعاد
    عن ابن بنت ابن حنت وطارق ابن زياد
    والانجليز راضية بالخطباء وخطب الفخر
    خطيب يهز الرؤوس وخطيب يهز الخصر
    وخطيب يموت موتة الأبطال قتيل القهر
    صلاح جاهين z88z_pic_1327502028_291.gif
    على اسم مصر
    هل مصر موميا جميلة صورتها فوق النعش
    يعشقها مجنون ينادي عليها ولا تطلعش
    هل مصر نار صفصفت والنفخ فيها محال
    والأرض نشعت على رمادها استحال أوصال
    سألت أنا الرافعي كان عجٌز ولا بيسمعش
    لكن عينيه كانوا يحكولي قصص ما اشبعش
    يقولولي ماتخافش مصر بخير وعال
    العال مصر الجبرتي
    ومصر الرافعي حال غير الحال
    انظر محمد فريد أعظم وأرقى مثال
    صلاح جاهين z88z_pic_1327502028_291.gif
    على اسم مصر
    أنا اللي مشيت ادوٌر باشتياق وحنين
    على مصر .. والمشي خدني من سنين لسنين
    لحد ماسنيـنهـا وسنـيني بقم واحد
    وعاصرتها يوم بيوم لم فاتني يوم واحد
    وحضرت شاهد عيان مولد وموت ملايين
    مازعلت من كلمة قد البركة في الجايين
    مين هم دول يا جدع .. ما توحد الواحد
    البركة فينا وفي السامعين بالواحد
    أنا قلتها بنرفزة .. من غيرة الواحد
    صلاح جاهين z88z_pic_1327502028_291.gif
    على اسم مصر
    مصر الرمال العتيقة وصهدها الجبار
    والنيل كخرطوم حريقه وحيد في وسط النار
    في إيدين بشر نمل رايحه وجاية
    ع الضفةفيهم مطافي وفيهم كدابين زفة
    وفيهم اللي تعالى وقال أنا حكمدار
    وكل باب م البيبان مقفول على اسرار
    وكل سر بحريقة عايزة تتطفا
    من أهلي تندهلي وتقوللي تعا اتدفا
    أنا اللي عمري انكتب إلى يوم ما اتوفى
    صلاح جاهين z88z_pic_1327502028_291.gif
    على اسم مصر
    القاهرة في اكتئاب والأنس عنها غاب
    من عتمة تدخل لعتمة كأنها ف سرداب
    أو قرية مرمي عليا ضل هجانةالحظر
    م المغربية بأمر مولاناومصر في الليل بتولد
    والبوليس ع الباب
    صبية ولاٌدة يابا ولحمها جلاب
    طلع الصباح زغرطت في السكة فرحانه
    على كتفها مولودتها لسه عريانه
    وف لحظة كانت جميع الدنيا دريانة
    على اسم مصر .

    صلاح جاهين 6.gif

    صلاح جاهين z88z_pic_1327502028_291.gif


    المصدر: ☆●°• منتديات الكتروني ديزاين •°●☆

    ugn hsl lwv wghp [hidk




    ugn hsl lwv wghp [hidk


    الموضوع: على اسم مصر صلاح جاهين بقسم

    إضافة رد

    مواقع النشر (المفضلة)

    «     الموضوع السابق       الموضوع التالي    »

    الذين يشاهدون محتوى الموضوع الآن : 1 ( الأعضاء 0 والزوار 1)
     
    أدوات الموضوع
    انواع عرض الموضوع

    الانتقال السريع

    المواضيع المتشابهه
    الموضوع كاتب الموضوع المنتدى مشاركات آخر مشاركة
    موسوعة اشعار وقصائد صلاح جاهين electronydesign ركن الشعر و الشعراء 0 12-20-2018 10:04 AM
    محمد صلاح electronydesign ركن مقاطع فيديو يوتيوب Youtube 0 05-14-2018 06:35 AM
    هاري كين يثق في خطف عرش صلاح إلكتروني ديزاين ركن البرامج وشروحاتها 0 04-09-2018 09:20 AM
    قلعة صلاح الدين electronydesign ركن تاريخ الأمم 0 04-02-2018 02:31 AM
    صلاح الأبناء electronydesign ركن القصص الروائية و الواقعية 0 06-01-2017 11:48 AM


    الساعة معتمدة بتوقيت جرينتش +3 . الساعة الآن : الساعة الآن 01:50 AM

    converter url html by fahad

     

    .
    الموقع غير مسؤول عن أي اتفاق تجاري أو تعاوني بين الأعضاء
    فعلى كل شخص تحمل مسئولية نفسه إتجاه مايقوم به من بيع وشراء وإتفاق وأعطاء معلومات
    التعليقات المنشورة لا تعبر عن رأي إدارة منتديات الكتروني ديزاين ولا نتحمل أي مسؤولية قانونية حيال ذلك (ويتحمل كاتبها مسؤولية النشر)






    Flag Counter